Hava handað sáttmálakrøv

Kommunala arbeiðsgevarafelagið, Fíggjarmálaráðið og Føroya Pedagogfelag hava í dag handað sáttmálakrøv, nú samráðast skal um nýggjar sáttmálar.

Sáttmálin millum partarnar fór úr gildi 1. oktober.

Hann fevnir um námsfrøðingar og hjálparfólk á kommunala og almenna arbeiðsmarknaðinum.

Partarnir fara nú hvør í sínum lagi at viðgera krøvini, og teir hava avtalað at hittast aftur 22. oktober.