Nógvir skaðar og lítil vinningur

Tryggingarfelagið Trygd hevði bara 147.000 kr. í vinningi eftir skatt í fyrra hálvári.

Í fjør var úrslitið seks mió. kr.

Í ár hava nógvir skaðar merkt úrslitið, illveður og avlýstar uttanlandsferðir.

Viðskiftafólkini hjá Trygd fingu góðar 50 mió. kr. í endurgjaldi fyrra hálvárið. Í fyrra hálvári í fjør fingu tey 36,7 mió, kr.

Næstan 300 fráboðanir komu um skaðar eftir illveðrið fyrst í mars. 

Skaðaprosentið, sum tað verður nevnt, var 77,6. Til samanberingar var skaðaprosentið fyrra hálvárið í fjør 60,5, sigur Trygd.