- Tíðindi, mentan og ítróttur
Gerðarrættarmálið liðugt
![](https://kvf.fo/sites/default/files/styles/grein-ovasta-mynd/public/tg_verk_0.png?itok=jaAVnYkm)
Gerðarrætturin varð settur 21.september, og fýra vikur vórðu settar av til málið, vikurnar 39, 40 og 41 og tveir dagar í viku 43, tilsamans 17 dagar. Men neyðugt var ikki at brúka alla avsettu tíðina, og seinasti rættarfundur var í gjár.
TG Verk hevur stevnt Landsverki eftir 75,5 milliónum krónum og kravið hjá Landsverki er 80 milliónir. Harafturat koma rentur frá tí degi, málið varð latið gerðarrættinum.
Málið byrjaði í gerðarrættinum 4. apríl í 2016. TG Verk byrjaði málið. Voldgiftsnævnet í Keypmannahavn, sum er gerðarrætturin, hevur viðgjørt málið í Keypmannahavn. Sirius advokater umboða Landsverk, og TG Verk hevur Dahl advokatfirma.
Úrskurðurin verður kunngjørdur fríggjadagin 6. november, og hann er endaligur og kann ikki kærast.