Kann verða smittað av koronu

Finski forsætisráðharrin, Sanna Marin, fór í morgun av toppfundinum í ES og aftur til Finnlands, tí hon kann vera smittað av koronu

Fyrr í vikuni var hon á fundi saman við einum starvsfelaga í Finnlandi, sum nú hevur fingið korona.

Tað var forsætisráðharrin, sum sjálv boðaði frá avgerðini um at fara heimaftur.

Hon skal kannast, tá hon kemur heim, og fer í øllum førum í sóttarhald, boðaði hon frá.

Svenski forsætisráðharrin, Stefan Løfven, fer at umboða Finnland á toppfundinum í ES, nú finski forsætisráðharrin noyddist til hús, skrivar DR.