Kynsligur ágangur: Støðan ikki øðrvísi í Føroyum

Lítið og einki er at hoyra um sexismu og kynsligan ágang í Føroyum.

Hóast Metoo-rørslan ikki hevur fingið fastatøkur her á landi, eru ábendingar um, at støðan ikki er øðrvísi í Føroyum enn í grannalondunum.

Ein spurnarkanning, sum Spyr.fo hevur gjørt fyri Breddan vísir, at fjórða hvør kvinna og tíggjundi hvør maður hava upplivað, at ein starvsfelagi er farin um teirra mark kynsliga.

Í flestu førum er tað í arbeiðshøpi. Í øðrum lagi í veitslulagi.

Og talan er um ágang bæði við orðum og beinleiðis nerting - eitt nú á kynsgøgnum.

Kvinnurnar velja sjáldan, men oftari enn menninir, at siga frá á røttum stað, men ofta fær tað ikki avleiðingar.

Meira verður at frætta um hetta evnið í Breddanum í dag eftir útvarpstíðindini klokkan fimm.