Tveir tilburðir í gjár

Tveir koronusmittutilburðir vórðu staðfestir í gjár. 

Annar er komin til Føroya úr øðrum landi og hin er í smittuketu, sum landslæknin fylgir. 

Í gjár vórðu 590 kanningar gjørdar, og allar kanningarnar eru liðugt greinaðar. Nú eru 148.376 kanningar gjørdar í Føroyum.

490 fólk hava fingið staðfest smittuna í Føroyum. 473 fólk eru staðfest at vera frísk aftur, tí eru 17 fólk smittað í løtuni.

60 fólk eru í sóttarhaldi.