Eldraráðið: Petur Rouch fekk flestar atkvøður

Petur Rouch fekk flestar atkvøður á eldraráðsvalinum í Tórshavnar kommunu.

Hann fekk 361 atkvøður. Hann er samstundis einasti maður, sum er valdur í eldraráðið. 

Bjørghild Djurhuus fekk 328 atkvøður, Katrin Holm fekk 286 atkvøður, Julianna Klett 255 og Marin Rasmussen fekk 254. 11 fólk stillaðu upp.

Tiltakslimir eru Ingigerð á Trøðni, Robert Vilhelmsen, Birgit Hansen, Eyrit Guttesen Leyni op Ingrid S. Henriksen. Petur Rouch, Katrin Holm og Julianna Klett eru eisini í eldraráðnum, sum tók við í 2017.

Erna Háberg og Helgi Hansen stillaðu ikki upp hesaferð. 

Taka við á nýggjárinum

Nývalda eldraráðið tekur við á nýggjárinum. Valskeiðið er fýra ár.

4.873 høvdu valrætt, 2.225 valdu. Tað eru 45,6 prosent.

Eldraráðið skipar seg sjálvt. Eldraráðið hevur skrivstovu í Tilhaldinum í Tórsgøtu.