500 ljóðbøkur á føroyskum

Í fjør komu 43 ljóðbøkur út í Føroyum.

20 teirra vóru nýggjar, og 23 eru bøkur, sum fyrr eru komnar á kasettubandi.

Higartil eru komnar knappliga 500 ljóðbøkur á føroyskum.

Jenis av Rana, landsstýrismaður, hevur svarað fyrispurningi um ljóðbøkur frá Honnu Jensen, løgtingskvinnu.

Eisini á netinum 

Hann sigur, at ljóðbókatænastan hjá Landsbókasavninum er við at leggja síðstu hond á eina tíðarhóskandi ljóðbókaskipan, sum verður á netinum. 

Ætlanin er, at bókasøvn kunnu lána almenningunum føroyskar ljóðbøkur og teimum, sum hava serligan tørv á ljóðbókum.

Hendan skipanin kemur í vár. Ein fyrimunur við henni er, at føroyingar í Danmark kunnu eisini brúka hana.