Fýra tilburðir í gjár

Fýra smittutilburðir av koronu vórðu staðfestir í gjár, vísa nýggjastu tølini hjá landslæknanum. 

Í øllum førum er talan um fólk, ið komu loftvegis til Føroya úr øðrum londum. Tey smittaðu eru avbyrgd, og Landslæknin er farin undir at spora smittuna.

Í gjár vórðu 709 kanningar gjørdar, og allar kanningarnar eru liðugt greinaðar. Í alt eru 151.668 kanningar gjørdar.

494 fólk hava fingið staðfest smittuna í Føroyum. 478 fólk eru frísk aftur, og 16 eru smittað í løtuni. Eingin er innlagdur á sjúkrahús við koronu.