Arbeiðsloysið hálvt annað prosent

Arbeiðsloysið er minkað seinastu mánaðirnar, og í august var tað komið niður í hálvt annað prosent, vísa tøl hjá Hagstovuni.

Síðani koronufarsóttin tók seg upp í vár, hevur arbeiðsloysið verið um 1,8 prosent.

Í august vóru 454 fólk fulltíðararbeiðsleys, 1,5 prosent.

Somu tíð í fjør var arbeiðsloysið 1,1 prosent.

Í flestu økjum í landinum er arbeiðsloysið millum eitt og tvey prosent.

Í Suðuroy er talið størri, 3,4 prosent. Men frá juli til august minkaði arbeiðsloysið í Suðuroynni úr 6,4 niður í 3,4 prosent, vísa tølini hjá Hagstovuni.