Gerðarrættarmálið útsett

bannari
Gerðarrættarmálið útsett
Dómurin í stóra gerðarrættarmálinum millum TG-Verk og Landsverk í málinum um Glasir-byggingina skuldi eftir ætlan kunngerast í dag
 
06.11.2020 - 08:21

Stóra gerðarrættarmálið millum TG-Verk og Landsverk er útsett fyribils. Tað váttar Sigurd Lamhauge, stjóri í Landsverki, fyri útvarpinum í morgun.

Gerðarrætturin varð settur 21. september, og fýra vikur vórðu settar av til málið, vikurnar 39, 40 og 41, og tveir dagar í viku 43, tilsamans 17 dagar.

Neyðugt var ikki at brúka alla avsettu tíðina, og seinasti rættarfundur var 9. oktober. TG-Verk hevur stevnt Landsverki eftir 75,5 milliónum krónum, og kravið hjá Landsverki er 80 milliónir.

Dómurin kann ikki kærast

Harafturat koma rentur frá tí degi, málið varð latið gerðarrættinum. Málið byrjaði í gerðarrættinum 4. apríl í 2016. TG-Verk byrjaði málið.

Voldgiftsnævnet í Keypmannahavn, sum er gerðarrætturin, hevur viðgjørt málið í Keypmannahavn.

Sirius advokater umboða Landsverk, og TG-Verk hevur Dahl advokatfirma. Dómurin í gerðarrættinum er endaligur, og kann ikki kærast.

Er kopiera
Nýggjastu sendingar í ÚV
Týsdag 15. juli
Morgunlestur týsdagur 15.juli 2025
194086
Mánadag 14. juli
Poppverturin
194204
Nýggjastu sendingar í SV
Týsdag 15. juli
Veðrið
194514
Týsdag 15. juli
Og ein summardag (1:2)
194521
Mánadag 14. juli
Seinasti vitameistarin
194455
Sunnudag 13. juli
Kappróður á fjarðastevnu
194401