Bjarni Johansen nýggjur borgarstjóri í Vági

Javnaðarflokkurin hevur staðið í skugganum av Tjóðveldi í nógv ár. Vit máttu taka ábyrgd, sigur nýggi borgarstjórin í Vágs kommunu, Bjarni Johansen

Mynd: Privat mynd

Eyðbjørt Skylv Midjord

10.11.2020 - 23:10

Bjarni Johansen verður nýggjur borgarstjóri í Vági, nú samráðingarnar í bygdaráðnum í Vágs kommunu eru lidnar.

Javnaðarflokkurin hevur sligið seg saman við Sambandsflokkinum, og hesir hava sostatt koppað tjóðveldisborgarstjóran, Dennis Holm.

Bjarni Johansen fekk næstflestar atkvøður við 79 atkvøðum, meðan Dennis Holm fekk 143 atkvøður.

Fegnast um álitið

Vit eru farin í samgongu við Sambandsflokkin, og eg fegnist um álitið, sigur Bjarni. Tó væntar nýggi borgarstjórin ikki tær heilt stóru broytingarnar.

– Vit fara at hugsa um ein varnan fíggjarpolitikk, og borgarin skal vera í miðdepilinum. Vit fara at menna Vág við teimum møguleikunum, sum eru her, sigur nýggi borgarstjórin.

– Javnaðarflokkurin hevur staðið í skugganum av Tjóðveldi í nógv ár, og fyri ikki at missa trúvirðið í bygdini, so máttu vit taka ábyrgd, sigur nýggi borgarstjórin í Vágs kommunu, Bjarni Johansen.

Hoyr samrøðu við nýggja borgarstjóran:

0 seconds of 0 secondsVolume 90%

00:00

Nýggja kommunustýrið í Vágs kommunu sær soleiðis út:

Nummar	Listi	Navn	Atkvøður
1	E	Dennis Holm	165
2	C	Bjarni Johansen	79
3	B	Erhard Joensen	73
4	C	Levi R. Mørk	64
5	C	Magnus M. Hjelm	42
6	E	Eyðbritt Krosslá	34
7	B	Marin Gaardlykke	34
8	E	Jónleyg Eyðunsson	32
9	E	Bárður G. Nielsen	32