Ikki brúk fyri eykajáttan til koronukanningar

Sjúkrahúsverkið hevur boðað frá, at ikki er brúk fyri umbidnu eykajáttanini til koronukanningar í ár.

Tað hevur Fíggjarnevndin fingið at vita frá Kaj Leo Holm Johannesen, landsstýrismanni í heilsumálum.

Í uppskotinum um eykajáttanarlóg, sum Fíggjarnevdnin viðger í løtuni, er biðið um eina millión og 120.000 kr. til koronukanningar á sjúkrahúsunum.

Sjúkrahúsverkið hevur nú boðað frá, at ikki er brúk fyri pengunum.

Við verandi smittutrýsti verður roknað við, at sjúkrahúsverkið hevur nóg mikið av pengum til koronukanningar tað, sum eftir er av árinum.