Eftirmeta lærlingaheimið í Marknagili

Glasir hevur nakrar skúlastovur í lærlingaheiminum í Marknagili, sum nú skal eftirmetast, tí brúk er ikki fyri tí longur í sama mun, sum tá tað kom í 1976.

Ferðasambandið er nógv broytt síðani.

Jenis av Rana, landsstýrismaður, hevur svarað Bjarna Hammer, løgtingsmanni, sum spurdi um langtíðarætlanina við Skúlaheiminum í Marknagili.

Hann sigur, at brúk er fyri einari grundleggjandi nútímansgerð, sum eisini verður partur í eftirmetingini, sum nú verður gjørd.

Glasir brúkar uppihaldsstovuna, kantinuna og høli í kjallarahæddini í skúlaheiminum til undirvísing.