Fíggjarmálaráðið frídømt í gerðarættarmáli

Fasti gerðarrættur hevur gjørt úrskurð í málinum um vegleiðarar og próvdómarar, sum yrkisfelagið Miðnám byrjaði í 2017.

Yrkisfelagið Miðnám segði, at Fíggjarmálaráðið skuldi viðurkenna, at vegleiðarar og próvdómarar hava rætt til 7,5 tímar hvør fyri hvørja verkætlan, tá talan er um breytaverkætlanir á fyrireikingarbreytunum í miðnámsskúlum.

Trætan var um, hvussu eina semja, sum varð gjørd hjá Semingsstovninum í mai 2017, skal tulkast. Fíggjarmálaráðið fekk rætt í Fasta gerðarrætti. Úskurðurin kann ikki kærast.