Strandingar skulu skilja húsarhaldsburturkast

Fólk á Strondum skulu nú eisini venja seg við at skilja húsarhaldsburturkastið.

Sjóvar kommuna fer í næstum undir eina royndarskipan, har fólk í kommununi skulu skilja húsarhaldsburturkastið, tá tey bera tað út.

Endamálið við sonevndu bokashi-skipanini er at endurvinna sum mest av matleivdunum, sum annars enda í brenniovninum.

Allar kommunurnar fingið tilboð

Tað var í summar, at IRF sendi øllum teimum 28 limakommunum eitt tilmæli um at bjóða fólkunum í kommununum bokashi-spannir, har húsarhaldsburturkastið skal skiljast í.

Í fyrstu atløgu vóru tað bara Vága kommuna, Eysturkommuna, Hvannasunds kommuna og Sumbiar kommuna, sum meldaði seg til skipanina.

Síðani tá eru fleiri aðrar kommunur eisini lagstar aftrast skipanini at skilja húsarhaldsburturkastið.