- Tíðindi, mentan og ítróttur
Normering á dagstovnaøkinum kostar 36 mió. aftrat
![](https://kvf.fo/sites/default/files/styles/grein-ovasta-mynd/public/vlcsnap-2020-01-24-11h13m01s623.png?itok=Qye0KwdI)
Skal normeringin á dagsstovnaøkinum í Tórshavnar kommuna gerast tann sama sum minimumsnormeringin í Danmark í 2025, kostar hon kommununi 36 milliónir krónur afturat játtanini til dagsstovnarnar.
Í fjør samtykti fólkatingið at skipa minimumsnormeringar í øllum dagstovnum stigvíst fram til 2025.
Normeringin hjá Tórshavnar kommunu í vøggustovu og barnagarðsstovu kann samanberast við tær hjá donskum kommunum, áðrenn minimumsnormeringin er gjørd.
Men normeringar í Danmark í 2018, sum samanborið er við, vóru søguligar lágar.
Mentamálanevndin og Fíggjarnevndin hjá býráðnum mæla til breiða politiska semju um at hækka normeringarnar so líðandi næstu árini og heita á landsstýrið um at raðfesta námsfrøðingaútbúgvingina til dagstovnaøkið.