Skattaprosentið í Runavíkar kommunu lækkar

Barnafrádrátturin verður framvegis 8.000 krónur. Fíggjarætlanin hjá Runavíkar kommunu fyri 2021 javnvigar við 236 milliónum krónum.

Raksturin næsta ár fer at kosta 167,7 milliónir krónur, 3,9 prosent meira enn í ár. Íløgur skulu gerast fyri 56,5 milliónir krónur

Spjaldrið, sum er ætlað ungum at brúka til frítíðarvirksemi, hækkar úr 2.000 krónum upp í 2.500 krónur.

Broytingar eru eisini í barnaansingini

Nú skal gjaldast fult gjald fyri fyrsta barnið, annað barnið fer niður í hálvt gjald og einki verður goldið fyri triðja barnið. 

1,3 milliónir krónur eru settar av til seinastu sneiðingina av fyrireikingini til ætlaðu svimjihøllina í Runavík, so hon kann bjóðast út á vári 2021.

Eingin lántøka verður næsta ár. Men skuldin hjá kommununi verður ætlandi niðurgoldin 6,8 milliónir krónur.