Løgtingið skal góðkenna fíggjarnevndarskjøl

Landsstýrið biður nú løgtingið um at samtykkja eykajáttanir, sum fíggjarnevndin hevur latið við fíggjarnevndarskjali í ár.

Talan er um trý fíggjarnevndarskjøl upp á tilsamans 13,6 milliónir kr.

Fyrsta skjalið var uppá 2,3 milliónir kr til farsóttartilbúgving.

Umbønin um eykajáttan snúði seg um útreiðslur av tiltøkum av koronufarsóttini,  sum ikki longu vóru fevndar av vanligum rakstrarjáttanum hjá landsstovnum. 

Kanningar og koronudeild

Við eykajáttan fyri juni 2020 varð játtanin hækkað sjey mió. kr. Av hesum skuldu fýra milliónir brúkast at kanna øll ferðandi til Føroya fyri COVID-19,  frá 27. juni til 10. juli. 

Síðani 1. oktober hava ferðandi til Føroya sjálvi goldið fyri koronukanning.

Tað triðja var umbøn um eykajáttan upp á 5,3 mió. til Landssjúkrahúsið at skipa eina fyribils koronudeild á Landssjúkrahúsinum. 

Endamálið at skipa eina koronudeild í lonum uttanf yri Landssjúkrahúsið er, at vanliga virksemið kundi halda fram, hóast farsóttin kom aftur. Fyribils koronudeildin er skipað við játtan á serstakari undirkontu.