Mæla til at skerja toskaveiðuna niður helvt

ICES mælir til, at næstan helvtina minni toskur verður fiskað í føroyskum sjógvi næsta ár enn i ár.

Tilmælið hjá ICES er 6.247 tons, 47 prosent minni enn í ár.

ICES sigur, at minni føði er í sjónum, og tí er tilgongdin av toski minni enn væntað.

Tilmæli er eisini um, at upsaveiðan minkar. Her er tilmælta minkingin 23 prosent, tí veiðutrýstið er ov stórt.

Mælt verður til at fiska í mesta lagi 27.368 tons av upsa næsta ár.

Um hýsuna sigur ICES, at 11.400 tons kunnu fiskast við Føroyar næsta ár, nakað tað sama sum í ár. 

Gýtingarstovnurin veksur framvegis, og hann er nú mettur at vera 52.245 tons.