ST: Meira enn 200 milliónir brúkast til neyðhjálp

Tørvur er á 35 milliardum dollarum til neyðhjálp, svarandi til 217 milliardir krónur av koronufarsóttini og fleiri møguligum hungursvanlukkum.

Tað siga Sameindu tjóðir í árligu frágreiðing síni, Global Humanitarian Overview fyri 2021, sum varð kunngjørd í gjár.

Vøksturin næsta ár 40 prosent

Niðurstøðan í frágreiðingini er, at 250 milliónir fólk í heiminum fara at hava tørv á onkrum slagi av neyðhjálp. Hetta er 40 prosent fleiri enn í ár.

– Vøksturin er so at siga bara av COVID-19, sigur neyðhjálparsamskiparin hjá Sameindum tjoðum, Mark Lowcock.

Næsta ár fer eitt av hvørjum 33 fólkum í heiminum at hava tørv á hjálp, stendur í frágreiðingini. Høvdu hesi fólk búð í einum landi, hevði tað verið fimtstørsta land í heiminum, skrivar NTB.