Steingja Oyggjarvegin í tveir tímar

Oyggjarvegurin verður stongdur fyri størri bilum kl. 10.30 í sambandi við, at lastbilurin, sum gleið útav vegnum í hálkuni í gjár, skal takast uppaftur. 

Stóri kranin hjá IR-lastbilum skal draga bilin niðan aftur á vegin, og arbeiðið fer at taka einar tveir tímar, sigur vaktleiðarin á politistøðini, Hildur Hentze.

Oyggjarvegurin er stongdur frá Norðradalsskarði til Lambafelli frá kl. 10.30 til 12.30.

Tó kunnu smærri bilar koyra har, sigur vaktleiðarin.