60 prosent av Sandoyartunlinum borað

Nú eru næstan 60 prosent av allari longdini í Sandoyartunlinum borað, upplýsa P/F Eystur- og Sandoyartunlar á Facebook.

Í síðstu viku vórðu boraðir 91 metrar, og nú eru boraðir tilsamans 6,4 kilometrar. Tunnilin verður slakar 11 kilometrar langur.

Í Traðardali eru nú boraðir tilsamans 3.362 metrar, og frá Gomlurætt eru boraðir 3.017 metrar, sigur tunnilsfelagið.

1,3 millardir

Kostnaðurin fyri Sandoyartunnilin er mettur til umleið 1,3 milliardir krónur, og tunnilin verður eftir ætlan liðugur í desember 2023.

Gongst sum ætlað verður seinasta skotið í Sandoyartunlinum latið av um eitt ár ella so.

Mett verður, at millum 300 og 400 bilar fara at koyra í tunlinum um samdøgrið.