- Tíðindi, mentan og ítróttur
Norröna fer í dokk í Danmark
Norröna fer í dokk í Danmark
Skipið skal hava 50 dupultkømur afturat, og á tíggjunda dekki verður gjørd ein nýggj kafé
Soleiðis fer Norröna at sígga út, tá hon fer aftur í sigling tíðliga í vár
04.12.2020 - 10:55
17. desember fer Norröna seinastu ferð úr Føroyum, áðrenn skipið fer í dokk á Fayard skipasmiðjuni í Munkebo í Danmark.
Hagar fer Norröna eftir at hon hevur verið í Hirtshals 19. desember. Fá ferðafólk eru nú og eisini á jólum.
Men farmurin er framvegis nógvur, og Smyril Line hevur leigað eitt italskt ro-ro farmaskip, meðan Norröna er í dokk.
Norröna skal fara aftur úr Hirtshals til Føroya 6. mars næsta ár.
Norröna skal hava 50 dupultkømur afturat, og á tíggjunda dekki verður gjørd ein nýggj kafé.
Er kopiera
Nýggjastu sendingar í ÚV
Nýggjastu sendingar í SV
