Kristina Háfoss stjóri í Norðurlandaráðnum

14.12.2020 - 16:06
AktueltSamfelag
Kristina Háfoss stjóri í Norðurlandaráðnum
Løgtingskvinnan og fyrrverandi landsstýriskvinnan í fíggjarmálum tekur við nýggja starvinum 1. februar
Kristina Háfoss tekur við starvinum sum stjóri á skrivstovuni hjá Norðurlandaráðnum 1. februar
 

Kristina Háfoss, løgtingskvinna, er sett sum stjóri á skrivstovuni hjá Norðurlandaráðnum í Keypmannahavn. 

Formansskapurin í Norðurlandaráðnum hevur sett hana í starvið í dag, og Kristina Háfoss tekur við 1. februar, tá verandi stjórin, Britt Bohlin, leggur frá sær.

Kristina Háfoss sigur við heimasíðuna hjá Norðurlandaráðnum, at hon gleðir seg nógv til starvið.

- Tað er ein heiður at fáa møguleikan at starvast fyri Norðurlandaráðið og formansskapin, sigur Kristina Háfoss.

Hon nevnir Arktis, talgildingina og veðurlagið.

Væl útbúgvin og væl fyririekað

Bertel Haarder tekur við sum formaður í Norðurlandaráðnum á nýggjárinum. Hann fegnast eisini um nýggja stjóran.

Við Kristinu Háfoss fær Norðurlandaráðið ein sera væl útbúnan og væl fyrireikaðan stjóra, sum eisini hevur drúgvar royndir í almennari fyrisiting, sigur Bertel Haarder. Hann fegnast eisini um, at nýggi stjórin er úr einum landi í ríkisfelagsskapinum, ein føroyingur við sera góðum førleikum, sum hann málber seg.

Búskaparfrøðingur og løgfrøðingur

Kristina Háfoss, sum er 45 ára gomul, er útbúgvin búskaparfrøðingur og løgfrøðingur. Hon hevur eisini starvast í Tryggingarfelagnum Føroyum.

Hon er í løtuni løgtingskvinna fyri Tjóðveldi. Í seinasta valskeiði var hon landsstýriskvinna í fíggjarmálum. 1. desember tók Kristina Háfoss við sum dagligur leiðari í Javna. 

Útvarpið hevur samrøðu við Kristinu Háfoss í tíðindunum klokkan 18.

 

 

 

Er kopiera
Nýggjastu sendingar í ÚV
Sunnudag 25. september
Meg minnist
145273
Sunnudag 25. september
Bolero: Konsertstykki úr 20. øld
145268
Sunnudag 25. september
Credo: Fløskubarn
145210
Leygardag 24. september
Brunsj við Oddbjørg Johansen
145259
Leygardag 24. september
Morgunlestur leygardagur 24.september 2022
144967
Nýggjastu sendingar í SV
Mánadag 19. september
3-2
145026
Sunnudag 18. september
Andakt við Karinu Magnussen
144956
Sunnudag 18. september
Møti úr Berøa
144955
Mánadag 12. september
3-2
144653
Mánadag 12. september
Úr savninum: One of a Kind - Rúna á Heygum
144618