Svenski kongurin finst at koronuhandfaringini

Svenski kongurin, Carl Gustaf, finst nú alment at, hvussu svensku myndugleikarnir hava handfarið koronufarsóttina.

Tað sigur hann við almennu svensku sjónvarpsstøðina SVT, Sveriges Television.

– Vit eru farin skeiv. Vit hava eitt stórt tal av deyðum, og tað er ræðuligt, segði hann millum annað í samrøðu við almenna, svenska sjónvarpið, SVT.

Óvanligt, at kongur finst at stjórnini

Viðmerkjarar siga við SVT, at tað er sera óvanligt, at kongur alment finst at sitandi stjórn, og at boðskapurin hjá Carl Gustaf, kongi, ikki kundi misskiljast. 

– Tað er stjórnin, sum hevur evstu ábyrgd av handfaringini av koronufarsóttini, og kongur hevur hugsað seg væl um, áðrenn hann hevur valt at úttalað seg á slíkan hátt

Tað sigur Henrik Wenander, professari í almennari lóg, við Sveriges Television. Higartil eru umleið 7.000 fólk í Svøríki deyð av koronufarsóttini.