Fongslaður fyri at hótta fólk eftir lívinum

Ein 49 ára gamal maður varð í gjár varðhaldsfongslaður í fýra vikur fyri at hótta fólk eftir lívinum.

Maðurin varð tikin mikudagin.

Hann er skuldsettur fyri at hótta trý alment sett fólk i langa tíð.

Fólkini, sum arbeiða hvørt á sínum almennum stovni, fingu hóttanirnar í telduboðum.

Ákæruvaldið kravdi í grundlógaravhoyringini, sum var seinnapartin í gjár, mannin varðhaldsfongslaðan í fýra vikur.

Og Føroya rættur varðhaldsfongslaði mannin í fýra vikur. Tann avgerðin er ikki kærd.

Maðurin noktar seg sekan í skuldsetingini.