Býráðið í Vági skipar seg í dag

Býráðið í Vági skipar seg í dag
Javnaðarflokkurin og Sambandsflokkurin hava skipað meiriluta, og Bjarni Johansen verður borgarstjóri
Bjarni Johansen verður nýggjur borgarstjóri í Vági
 
21.12.2020 - 08:54

Seinnapartin í dag fer nývalda býráðið í Vági at skipa seg.

Millum annað borgarstjóri og varaborgarstjóri skulu veljast, og fólk skulu veljast í nevndirnar.

Dennis Holm, sum fekk nógv flestar atkvøður, 165, á valinum 10.november, er borgarstjóri. Men eftir nýggjár verður hann í minnilutanum í býráðnum.

Bjarni Johansen borgarstjóri

Javnaðarflokkurin og Sambandsflokkurin hava skipað meiriluta, og Bjarni Johansen verður borgarstjóri.

Samstarvið millum Javnaðarflokkin og Tjóðveldi heldur uppat. Dennis Holm hevur verið borgarstjóri í Vági í átta ár.

Dennis Holm, sum er samfelagsfrøðingur, hevur farloyvi frá Fróðskaparsetrinum og fer aftur í starv har 1. februar næsta ár. 

Býráðsfundurin í Vági er kl. 17 í dag. 

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652