Partabrævið hækkaði tíggju prosent

So skjótt tað frættist, at BankNordik í Danmark er seldur, fór partabrævið í BankNordik tíggju prosent upp.

Tað fór upp í 154 kr. i keypsskálanum í Keypmannahavn. 

Partabrævið í Spar Nord hækkaði bara 1,7 stig, upp í 58,80 kr. 

Spar Nord hevur keypt 3,7 milliardir krónur í útláni, 5,8 mia. kr. í innláni, 11,1 mia. kr. í realkredittlánum, sum BankNordik hevur latið fyri Totalkredit, og 4,8 mia. kr. í virðisbrævagoymslu, skrivar Ritzau Finans.