Floksfelagar hjá Trump ógildaðu sýtingarrætt

Amerikanska umboðsmannatingið hevur samtykt at ógilda sýtingarrættin, sum Donald Trump, forseti, fyri jól brúkti ímóti uppskotinum um verjufíggjarlóg.

332 atkvøður vóru fyri uppskotinum um at ógilda sýtingarrættin, og 87 atkvøddu ímóti. Demokratarnir hava meirilutan í umboðsmannatinginum.

Senatið fær síðsta orðið

109 republikanarar atkvøddu ímóti Trump. Nú stendur tað til senatið at gera av, um sýtingarrætturin hjá forsetanum móti verjufíggjarlógini framvegis skal galda.

Bæði í umboðsmannatinginum og senatinum skulu tveir triðingar vera fyri at ógilda sýtingarrættin.

Hendir tað, verður tað fyrstu ferð í forsetaskeiðnum hjá Trump, at politiska skipanin ógildar sýtingarrætt, sum Trump hevur brúkt.