Trump: Forsetaskiftið verður friðarligt

Amerikanski forsetin, Donald Trump, sigur nú, at forsetaskiftið verður friðarligt.

Tað sigur hann í eini fráboðan, sum ein talsmaður í Hvítu húsunum hevur lagt á Twitter.

Trump kann ikki sjálvur leggja fráboðanina út, tí Twitter hevur stongt vanga hansara fyribils eftir fleiri tweet, sum forsetin legði út í gjár.

- Hóast eg als ikki taki undir við valúrslitinum, verður forsetaskiftið 20. januar friðarligt, stendur í fráboðanini frá forsetanum gjøgnum talsmannin.

- Eg havi sagt alla tíðina, at vit fara at halda fram við stríðnum at tryggja, at bara lógligar atkvøður verða taldar. Men hetta er endin á tí besta fyrra embætisskeiðnum í søguni og bara byrjanin til strembanina at gera "America great again," sigur Donald Trump í tweetinum, sum talsmaðurin hevur lagt út.