Jógvan Philbrow stillar uppaftur

Formansval verður á aðalfundinum hjá Pedagogfelagnum 6.mars.

Freistin at stilla upp er til 1.februar.

Formaðurin ella forkvinnan verður vald fyri trý ár.

Jógvan Philbrow hevur verið formaður nú í tvey skeið, og hann ætlar sær at stilla uppaftur, sigur hann.

Samráðingarnar millum Pedagogfelagið og Kommunala arbeiðsgevarafelagið og Fíggjarmálaráðið eru ikki lidnar enn.

Eingin fundur var í desember.

Fór úr gildi 1. oktober

Sáttmálakrøvini vórðu handað 8.oktober, og nakrir samráðingarfundir hava verið.

Sáttmálin partanna millum, sum varð gjørdar í 2017, fór úr gildi 1.oktober í fjør.

Sáttmálin umfatar námsfrøðingar og hjálparfólk hjá kommununum og landinum.

Nú Kommunala arbeiðsgevarafelagið fær nýggja nevnd, hevur Pedagogfelagið biðið um fund við KAF um viðurskiftini á dagsstovnaøkinum.