Uppskot um vinnuligar royndir farið til hoyringar

Uppskot um ásetingar í lógini um sjófeingi um kvotur til vinnuligar royndir og verkætlanir er nú gjørt og sent til hoyringar.

Ongar slíkar kvotur vórðu latnar í fjør, men tær vórðu fluttar til í ár. Og nú er svartkjaftur eisini við.

Eitt uppskot er, at tey, sum keypa skip at fiska hesar kvotur, ikki nýtast at hava veiðiloyvi ella fiskiloyvi í bólki 5 til skipið.

Hetta verður gjørt fyri at loyva nýggjum reiðarum við egnum fiskiførum at sleppa framat fiskinum, sigur Fiskimálaráðið.