Eingin smitta á Boðanesheiminum longur

Nú er eingin koronusmitta á Boðanesheiminum, boðar Tórshavnar kommuna frá.

Starvsfólk og búfólk á deildini á Boðanesheiminum, har eitt starvsfólk  fekk staðfest koronu, eru øll kannað hvønn dag í farnu viku og aftur í gjár.

Allar kanningarnar staðfesta, at eingin er smittaður á deildini.

Læt uppaftur í morgun

Nøkur starvsfólk og øll búfólk á deildini, har viðkomandi starvsfólk arbeiðir, hava verið í sóttarhaldi, og deildin hevur verið stongd fyri vitjandi.

Deildin læt uppaftur í morgun, og gerandisdagurin er nú aftur sum vant við teimum koronutilráðingum, sum eru.

Avvarðandi kunnu nú aftur vitja á deildini, sigur Tórshavnar kommuna.