Dani royndi at smugla tvey kilo av hassji

Í gjár klokkan 16:43 fekk løgreglan fráboðan frá tollvaldinum á flogvøllinum í Vágum um, at teir høvdu steðgað einum 42 ára gomlum manni, ið royndi at smugla tvey kilo av hassji til Føroya.

Løgreglan handtók mannin klokkan 16:56 og skuldsetti hann fyri brot á narkotikalóggávuna. Í grundlógaravhoyring í Føroya Rætti í dag játtaði hann seg sekan.

Mentalkanning, sum er gjørd í Danmark, vísir, at maðurin ikki var egnaður til fongsulsrevsing. Tí fekk hann viðgerðardóm, sum er virkin í fimm ár. Hann kærdi ikki avgerðina, sigur løgreglan í tíðindaskrivi