Johan Dahl farin í part við andstøðuni

Johan Dahl farin í part við andstøðuni
Hann er við í meirilutaálitinum í Vinnunevndini í málinum um at javnseta samkynd foreldur við hinskynd um barsilspenging
Johan Dahl er við í álitinum frá andstøðuni í Vinnunevndini
 
21.01.2021 - 08:37

Johan Dahl í Sambandsflokkinum er við í meirilutanum hjá andstøðuni í Vinnunevndini, sum tekur undir við uppskotinum um at  javnseta møguleikan hjá samkyndum foreldrum at fáa barsilspening við møguleikan hjá hinskyndum.

Men meirilutin hevur tó eitt broytingaruppskot.

Ein broyting er, at orðingin "hava fingið sær børn saman" verður broytt til "fáa sær børn saman."

Við tí fevnir lógin eisini um samkynd pør, áðrenn barnið er føtt, so kunnu tey eisini halda fráboðanarskylduna til arbeiðsgevara.  

Orðingin, sum nú er, hevur ta fyritreyt, at barnið longu er føtt, sigur meirilutin. Og mælt verður til at strika ættleiðing í uppskotinum.

Um eitt samkynt par ætlar at ættleiða sambært ættleiðingarlógini, koma tey undir aðrar ásetingar í barsilslógini.

Tí er orðingin um ættleiðing óneyðug í hesum uppskoti, sigur meirilutin í Vinnunevndini.

Eingin semja í samgonguni

Minnilutin í nevndini, Jákup  Mikkelsen og Beinir Johannesen í Fólkaflokkinum, sigur, at avtala er í samgonguni um, at lógarbroytingar bara verða gjørdar, um semja er um tær í samgonguflokkunum. 

Samgongan hevur onga semju um, at hetta uppskotið skal samtykkjast, og tí taka teir báðir ikki undir við. 

Átta tinglimir í andstøðuni eiga uppskotið um at javnseta møguleikan hjá samkyndum foreldrum at fáa barsilspening við møguleikan hjá hinskyndum.

Vinnunevndin hevur havt málið síðani 17.november.

Uppskotið varð lagt fram 20.oktober.

Vinnunevndin viðgjørdi málið á trimum fundum. 
 

Er kopiera
Nýggjastu sendingar í ÚV
Mikudag 24. apríl
Morgunlestur mikudagur 24. apríl 2024
173996
Týsdag 23. apríl
LEITISSTEIN 23.04.2024 (Óli Poulsen)
174142
Týsdag 23. apríl
Breddin: Tilfeingisgjald og Orkukeldur
174104
Týsdag 23. apríl
Góðan morgun Føroyar
174099
Týsdag 23. apríl
Morgunlestur týsdagur 23. apríl 2024
173491
Nýggjastu sendingar í SV
Týsdag 23. apríl
Veðrið
174126
Týsdag 23. apríl
3-2
174101
Týsdag 23. apríl
Dagur og vika við 3-2 - teknmálstulkað
174098
Sunnudag 21. apríl
Andakt við Sólrun Poulsen
174012
Sunnudag 21. apríl
Guðstænasta úr Hoyvíkar kirkju
174010