- Tíðindi, mentan og ítróttur
Forsetin í Meksiko fingið koronu
![](https://kvf.fo/sites/default/files/styles/grein-ovasta-mynd/public/andres_manuel_lopez_obrador.jpg?itok=Y7NnCQko)
Forsetin í Meksiko, Andrés Manuel López Obrador, kunngjørdi í gjár, at hann hevur fingið koronu.
- Sjúkueyðkennini eru mild, men eg fái heilivág fyri koronu, sigur 67 ára gamli forsetin í boðum á sosialum miðlum.
Boðini komu stutt eftir, at tað gjørdist greitt, at López Obrador í dag skal tosa við russiska forsetan, Vladmir Putin, um at keypa russiska koppingarevnið fyri koronu, Sputnik.
Hetta koppingarevnið er ikki góðkent í Meksiko.
Men torført við at fáa koppingarevnið frá Pfizer til landið, og Mekisko skal hava russiska koppingarevnið til at taka, tá ið landið ikki fær koppingarevnið frá Pfizer.
Meksiko hevur skrásett sløk 150.000 andlát í sambandi við koronu, og fleiri enn 1,7 milliónir smittutilburðir eru staðfestir higartil.