Sjey kilometrar boraðir í Sandoyartunlinum

Nú eru umleið sjey kilometrar boraðir í Sandoyartunlinum.

Í síðstu viku vórðu boraðir tilsamans 124 metrar, 81 metrar í Traðardali og 43 metrar á Gomlurætt.

Sandoyartunnilin verður tilsamans 10 kilometrar og 785 metrar langur.

Higartil eru boraðir tilsamans 6.941 metrar, 3.716 metrar í Traðardali og 3.225 metrar á Gomlurætt.

Gongst sum ætlað verður skotið ígjøgnum í Sandoyartunlinum seint í heyst, og tunnilin skal eftir ætlan verða liðugur í 2023.