Fyrsta lodnulastin landað í Íslandi

Fyrsta lodnulastin í trý ár varð landað á Eskifirði leygardagin, tá ið uppsjóvarskipið Polar Amaroq landaði 700 tons.

Lodnan fekst eystan fyri Ísland í trimum hálum, og hon varð góð, skrivar Morgunblaðið. Okkurt um 40 lodnur vóru í hvørjum kilo. 

Polar Amaroq fór alt fyri eitt aftur til fiskiskap, og hevur longu fingið 300 tons í einum háli. 

Føroysk skip sleppa, sum kvotan er nú, at fiska 3.050 tons av lodnu í íslendskum sjógvi í vetur.