Jógvan Philbrow heldur fram

Jógvan Philbrow heldur fram sum formaður í Føroya Pedagogfelag.

Tað er greitt, nú freistin at stilla upp til nevndarvalið er farin, og eingin stillar upp ímóti Jógvani Philbrow.

Hetta verður triðja skeiðið, ið Jógvan Philbrow verður formaður í Pedagogfelagnum.

Hann varð valdur til formann fyrstu ferð í 2015.

Tveir nevndarlimir

Tveir nevndarlimir skulu eisini veljast. 

Har stilla fimm fólk upp: Annika Østerø, Bjarni Beder, Gunnavá Akraberg Hansen, Nikkil Heinesen og Tóra Højgaard Joensen.

Nikkil Heinesen og Gunnavá Akraberg Hansen sita í nevndini.

Tey, sum ikki verða vald í nevndina, verða eykalimir.