Arktis: Politikarar í Grønlandi eisini misnøgdir

12.02.2021 - 10:22
AktueltPolitikkur
Arktis: Politikarar í Grønlandi eisini misnøgdir
Tað er løgið, at avtalan varð almannakunngjørd, áðrenn landstingið fekk hana, sigur forkvinnan í Uttanríkis- og trygdarpolitisku nevndini
Aleqa Hammond er forkvinna í uttanríkis- og trygdarpolitisku nevndini i landstinginum
 

Eisini í Grønlandi eru politikarar misnøgdir, nú danska politiska semjan um verjuavtalu fyri Arktis er kunngjørd á tíðindafundi.

– Tað er løgið, at avtalan varð almannakunngjørd, áðrenn landstingið fekk hana, sigur Aleqa Hammond, forkvinna í Uttanríkis- og trygdarpolitisku nevndini hjá landstinginum, við KNR.

Eisini landstingsmaðurin Pele Broberg finst at, at landstingið ikki fekk avtaluna, áðrenn hon varð almannakunngjørd.

Hann sigur við KNR, at fyrstu ferð, hann hoyrdi um hesa avtaluna, var í fjølmiðlunum. Fólkatingsfólkini í Føroyum og Grønlandi eru ikki við í avtaluni, sum seks flokkar í fólkatinginum hava gjørt.

Samskifta við landsstýrini

Danska verjumálaráðið hevur samskift við landsstýrini í Føroyum og Grønlandi um avtaluna. 

Men bæði Aleqa Hammond og Pele Broberg halda, at fleiri grønlendskir politikarar enn tey í landsstýrinum áttu at verið við frá byrjan.

Landstingið og landsstýrið eru heldur ikki vorðin samd um felags støðu um avtaluna, sigur Aleqa Hammond. Vetrarsetan hjá landstinginum byrjar týsdagin.

Er kopiera
Nýggjastu sendingar í ÚV
Mánadag 2. august
Morgunlestur mánadagur 02. august 2021
126406
Sunnudag 1. august
Guðstænasta úr Vesturkirkjuni
127076
Sunnudag 1. august
Møti úr Hebron í Leirvík.
126816
Leygardag 31. juli
Túrur eystur í Barm við Jógvani
127070
Nýggjastu sendingar í SV
Hósdag 29. juli
Tingið verður sett
127016
Hósdag 29. juli
Guðstænasta úr Havnar kirkju.
127005
Mikudag 28. juli
Á ólavsøku
126992
Mikudag 28. juli
Video: 5mf gentur, ólavsøka 2021
126991
Mikudag 28. juli
Video: 10mf, ólavsøka 2021
126990