Korona: 46 lond eru aftan fyri Føroyar

46 lond eru aftanfyri Føroyar á listanum hjá WHO við koronusmittaðum fólkum. Listin, sum varð dagførdur í gjár, sigur, at í Føroyum hava 657 fólk fingið koronu.

Føroyar eru millum Bermuda, har sum talið er 694, og Mauritius við 595 smittaðum.

Flestu tilburðir í USA og India

Sambært listanum hjá WHO eru 14 lond, har korona als ikki hevur verið. Har er eingin skrásettur sum smittað ella smittaður.

Nógv tey flestu eru í USA, 26 milliónir og 923.756. Nummar tvey er India. Har er talið 10 milliónir og 871.294.

Í øllum heiminum vóru í gjár 106 milliónir 991.090 fólk skrásett at vera koronusmittað. Tvær milliónir og 347.015 eru deyð við koronu.