Mario Draghi forsætisráðharri í Italia

Mario Draghi er fyrrverandi stjóri fyri Evropeiska Miðbankan, ECB.

Italski forsetin, Sergio Mattarella, gav í síðstu viku Mario Draghi heimild at skipa eina nýggja stjórn, eftir at sitandi stjórn hevði tveitt handklæðið í ringin.

Síðani hava flestu flokkar í Italia góðtikið, at Mario Draghi kemur at leiða landið næstu tíðina.

Í nýggju savningarstjórnini verða bæði politikarar, sum áður hava verið ráðharrar, og teknokratar. 

Eittnú verður stjórin í italska miðbankanum, Daniele Franco, nýggjur búskaparmálaráðharri.

Mario Draghi verður tikin í eið sum forsætisráðharri í Italia klokkan 11 fyrrapartin.