Erla Kongsdóttir styttir siglingartíðina

Nú Erla Kongsdóttir hevur siglt á Nólsoyarleiðini í seks vikur, verður ferðaætlanin broytt.

Talan er um smærri broytingar, tí royndirnar við skipinum hava víst, at til ber at stytta siglingartíðina millum Havnina og Nólsoy við 10 minuttum hvønn vegin, úr 30 minuttum niður í 20 minuttir. 

Tískil er ferðaætlanin broytt í mun til siglingartíðina, har flestu fráferðirnar eru broyttar við 5 - 10 minuttum. Talið av túrum er óbroytt. 

Fyrsti túrurin gerandisdag av Havnini er fluttur frá 6:45 til kl. 7:00, meðan fráferðin úr Nólsoy er flutt frá 7:15 til 7:20.

Broytingarnar koma í gildi mánadagin.

Nýggja ferðaætlanin sæst her.