Kanna kvinnurættindi og javnstøðu

ST-nevndin, sum arbeiðir fyri at beina fyri mismuni móti kvinnum, CEDAW, fer í næstu viku at kanna, hvussu støðan er hesum viðvíkjandi í danska ríkinum, eisini í Føroyum og í Grønlandi.

Rættindi hjá kvinnum og javnstøða verða kannað.

Millum annað verður kannað, hvørja ávirkan korona hevur havt á rættindini og javnstøðuna.  

Føroyar hava millum annað áhuga hjá nevndini, tí CEDAW sigur, at í Føroyum hava kvinnur avmarkaða atgongd til heilsutænastur viðvíkjandi kynsligum og nøringarligum evnum.

Í Danmark kom ein lóg á nýggjárinum, sum ger Danmark til 12.landið í Evropa, sum ikki krevur prógv um harðskap ella hóttanir fyri at gera neyðtøkur til brotsverk. Neyðtøkur verða nú javnsettar við sex uttan samtykki.

CEDAW kannar eisini, hví so nógvar kvinnur í Grønlandi taka seg av døgum, og hví so nógvur harðskapur er móti kvinnum í Grønlandi.