Meiri koppingarevni til landið í dag

Landssjúkrahúsið og Klaksvíkar sjúkrahús fáa meira koppingarevni í morgin, og mánadagin fær Suðuroyar sjúkrahús eisini fleiri skamtar.

Tað upplýsir Hjalti Gunnarstein, landsapotekari, sum hevur havt havt fund við danska Serumstovnin. Mikudagin var annars óvist, um Føroyar yvirhøvur fóru at fáa koppingarevni hesa vikuna, tí ivi var um góðskuna.

Nú er koppingarevnið kannað, og góðskan er í lagi, sigur landsapotekarin. Ein bakki við 195 hettugløsum frá heilivágsfyritøkuni Pfizer kemur til landið seinnapartin í dag. Í gløsunum eru tilsamans 1.200-1.300 skamtar.