Flogvinnan bløðir av koronu

04.03.2021 - 09:47
AktueltÚtheimurin
Flogvinnan bløðir av koronu
Lufthansa hevði 50 milliardir kr. í halli í fjør, og hallið hjá Norwegian var 17 milliardir
Ferðafólkatalið hjá Lufthansa minkaði úr 140 milliónum í 2019 niður í 36 milliónir í fjør
 

Koronukreppan sæst aftur í roknskapinum hjá stóra flogfelagnum Lufthansa, sum hevði heilar 50 milliardir krónur í halli í fjør.

Tað er langt frá úrslitinum árið fyri, tí í 2019 hevði Lufthansa níggju milliardir krónur í avlopi.

Í 2019 ferðaðust útvið 140 milliónir fólk við flogførunum hjá Lufthansa. Í fjør var ferðafólkatalið góðar 36 milliónir.

Tríggir av fýra stólum vóru sostatt tómir í fjør.

Norwegian eisini illa fyri

Ógvusliga afturgongdin hjá norska flogfelagnum Norwegian stendur við. Í februar í ár ferðaðust 97 prosent færri fólk við Norwegian, sammett við februar í fjør. 

Flogfelagið hevur bara átta flogfør í vinnu í løtuni, flestu teirra innanríkis í Noregi. 

Í síðstu viku legði Norwegian fram ársúrslit fyri 2020, sum vísti 17 milliardir krónur í halli. Talið av ferðandi minkaði 81 prosent í fjør, sammett við árið fyri.

Er kopiera
Nýggjastu sendingar í ÚV
Leygardag 10. apríl
Jambalaja 100421
122651
Leygardag 10. apríl
Morgunlesturin leygarmorgunin 10. apríl 2021
122311
Fríggjadag 9. apríl
Morgunlesturin fríggjamorgunin 9. apríl 2021
122310
Hósdag 8. apríl
RagnarRokk 8.apríl 2021
122286
Hósdag 8. apríl
RagnarRokk:Blaze Bayley um War Within Me
122285
Nýggjastu sendingar í SV
Mikudag 7. apríl
í Luftini við KATA
122549
Mikudag 7. apríl
í Luftini við Son of Fortune
122548