- Tíðindi, mentan og ítróttur
Greiðir frá samráðingunum við bretar
Greiðir frá samráðingunum við bretar
Jacob Vestergaard, landsstýrismaður, er í samráði í Uttanlandsnevndini
Jacob Vestergaard, landsstýrismaður í fiskvinnumálum, er í samráði, har hann greiðir Uttanlandsnevndini frá gongdini í samráðingunum við Bretland um fiskirættindi
10.03.2021 - 09:37
Klokkan níggju í morgun fór Jacob Vestergaard, landsstýrismaður, í samráð í Uttanlandsnevndini um fiskiveiðuavtaluna við Bretland.
Uttanlandsnevndin hjá løgtinginum vil vita, hvussu gongst við samráðingunum.
Ein rammusáttmáli er gjørdur um fiskiskapin. Men eingin fiskiveiðiavtala er gjørd fyri 2021.
Samráðast aftur fríggjadagin
Nakrir fundur hava verið, men nú er steðgur komin í, hóast partarnir javnan tosa saman.
Men samráðingarfundur verður fríggjadagin.
Føroysk skip plagdu at fiska makrel í bretskum sjógvi fyrst í árinum, men tað ber ikki til nú, tá sáttmálin við ES ikki longur er galdandi fyri Bretland.
Og Føroyar og ES hava heldur ikki gjørt fiskiveiðiavtalu fyri 2021.
Er kopiera
Nýggjastu sendingar í ÚV
Nýggjastu sendingar í SV
