Andstøðan fingið uppskot um tilfeingisgjald

11.03.2021 - 11:40
AktueltPolitikkur
Andstøðan fingið uppskot um tilfeingisgjald
Fíggjarmálaráðið hevur roknað upp á ymiskt, sum andstøðan mælti til á fundinum fyrr í mánaðinum
Nótaskipini og trolararnir í Barentshavinum rinda tilfeingisgjald. Nú verður roynt at fáa andstøðuna við í semjuna um nýggju skipanina um tilfeingisgjald
 

Í gjárkvøldið fekk andstøðan eitt uppskot um tilfeingisgjøld frá Jørgeni Niclasen, landsstýrismanni í fíggjarmálum.

Aksel V. Johannesen, formaður í Javnaðarflokkinum, sigur, at eitt uppskot er komið frá landsstýrismanninum, men hann hevur ikki havt høvi at kanna uppskotið.

Tað verður gjørt saman við hinum andstøðuflokkunum, sigur hann.

Av tí sama sigur Aksel V. Johannesen seg ikki kunna taka støðu til, um uppskotið er broytt, so flokkurin kann taka undir við tí.

Útrokningar

Jørgen Niclasen sigur, at Fíggjarmálaráðið hevur roknað upp á ymiskt, sum andstøðan mælti til á fundinum fyrr í mánaðinum.

Hann vil kortini ikki siga nakað alment um broytingarnar, sum hann mælir til nú, tí andstøðan skal fyrst hava høvi at svara.

Men eftir fundin fyrr í mánaðinum var hann bjartskygdur.

Jørgen Niclasen sigur seg vænta svar sum skjótast, og helst í hesi vikuni.

Samgongan er samd um uppskotið, sum hann hevur gjørt um tilfeingisgjaldið, og tað uppskotið verður lagt fyri løgtingið, um andstøðan ikki vil vera við, sigur hann.


 

Er kopiera
Nýggjastu sendingar í ÚV
Mikudag 7. desember
Góðan morgun Føroyar 07. desember 2022
149052
Mikudag 7. desember
Morgunlestur mikudagur 7. desember 2022
148411
Týsdag 6. desember
Framsókn í Tinginum
149004
Týsdag 6. desember
Góðan morgun Føroyar 06. desember 2022
148998
Nýggjastu sendingar í SV
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753
Mánadag 5. desember
Val kring landið - Setrið í Havn
148951