- Tíðindi, mentan og ítróttur
Lønargjaldingarnar minkaðu í februar
Lønargjaldingarnar minkaðu í februar
Vøksturin í lønargjaldingunum er steðgaður upp, sigur Hagstovan
Hjá monnum minkaðu lønargjaldingarnar í februar, men hjá kvinnum vuksu tær
Mynd: Hagstovan
15.03.2021 - 11:01
17 milliónir krónur færri vórðu goldnar í lønum í februar, enn sama mánað í fjør.
Tilsamans vóru lønargjaldingarnar 875 milliónir kr. í februar, og vøksturin í lønargjaldingunum er steðgaður upp, sigur Hagstovan.
Í februar fingu menn 548 milliónir kr. í lønum, 35 milliónir færri enn fyri einum ári síðani. Kvinnur fingu 327 milliónir í lønum, 18 milliónir fleiri enn somu tíð í fjør.
Sambært hagtølunum hjá Hagstovuni, er vøkstur enn í lønargjaldingum til almennar og privatar tænastuvinnur, men í byggivinnuni og fiskivinnuni er vøksturin steðgaður upp.
Er kopiera
Nýggjastu sendingar í ÚV
Nýggjastu sendingar í SV
